«Ժառանգություն» ընդդիմադիր կուսակցության խորհրդարանական խմբակցության ղեկավար Ռուբեն Հակոբյանը կարծում է, որ հազիվ թե ինչ-որ մեկը, բացի Թևան Պողոսյանից, ստանա կուսակցության առաջնորդ Րաֆֆի Հովհաննիսյանի թափուր պատգամավորական մանդատը:
«Մինչ այս պահը ցուցակում ոչ մի փոփոխություն չի եղել և չեմ կարծում, որ կլինի»,- հայտարարել է նա խորհրդարանում ճեպազրույցում:
Ինչ վերաբերվում է որոշ ԶԼՄ-ների և քաղաքական գործիչների զարմանքին մանդատից հրաժարվելու Րաֆֆի Հովհաննիսյանի որոշումով, ապա Հակոբյանը հայտարարել է, որ «թող նրանք զարմանան, թե ինչ վիճակի է հասել երկիրը»:
Ազգային ժողովի նիստում ԱԺ նախագահ Հովիկ Աբրահամյանը տեղեկացրեց, որ «Ժառանգություն» կուսակցության առաջնորդ Րաֆֆի Հովհաննիսյանը դիմում է գրել պատգամավորական մանդատը վայր դնելու մասին: Ըստ ԱԺ կանոնակարգի` դիմումը ուժի մեջ կմտնի ներկայացնելու պահից սկսած 15 օրվա ավարտին պես, եթե պատգամավորը չցանկանա այն ետ վերցնել:
