Սեպտեմբերի 20-ին Սերբիայի մայրաքաղաք Բելգրադում անցկացվեց ընդունելություն` նվիրված Հայաստանի Անկախության 21-րդ տարեդարձին:
Բազմամարդ հանդիսությանը ներկա էին Սերբիայի օրենսդիր և գործադիր իշխանությունների, երկրում հավատարմագրված դիվանագիտական ներկայացուցչությունների ղեկավարներ, հասարակական կազմակերպությունների, գիտության, մշակույթի ու արվեստի, ինչպես նաև հայ համայնքի ներկայացուցիչներ, հայտնում է ԱԳՆ մամլո ծառայությունը:
Ողջույնի խոսքով հանդես եկան Սերբիայում ՀՀ դեսպան Գագիկ Ղալաչյանը և Բելգրադում նորանշանակ ՀՀ պատվավոր հյուպատոս Պրեդրագ Տոմիչը:
