«Ժողովուրդ». 267 համարի երթուղու «ճակատագիրը» քննարկվելու է վարչապետի մոտ

Համաձայն «Ժողովուրդ»-ի տեղեկությունների` օրերս 267 համարի երթուղու «ճակատագիրը» քննարկվելու է ՀՀ վարչապետ Տիգրան Սարգսյանի մոտ: Բանն այն է, որ այս երթուղին սույն թվականի մայիս ամսից գործում է անօրինական ճանապարհով՝ արտոնագիր չունի: Ու երբ այդ մասին «Ժողովուրդ»-ը գրել է հոկտեմբերի 18-ի իր համարում, վարչապետը հորդորել է հետաքրքրվել և ներկայացնել, թե ինչ է կատարվում Smart soft ընկերության կողմից շահագործվող երթուղու շուրջ: Ըստ նախնական ճշգրտումների` երթուղին նաև հարկայինում գրանցված չէ: Սակայն օրեր շարունակ թերթին չի հաջողվում տեղեկությունը ճշտել ՀՀ վարչապետի մամուլի խոսնակ Հարություն Բերբերյանից: Նա թերթի հեռախոսազանգերին և հաղորդագրություններին չի պատասխանում: «Ժողովուրդը» հիշեցնում է, որ 267 համարի երթուղին պատկանում է ԲՀԿ առաջնորդ Գագիկ Ծառուկյանի փեսա, Աբովյանի քաղաքապետ Կարո Գուլոյանին: