«Ժողովուրդ»-ը պաշտոնական աղբյուրներից պարզել է, որ ՀՀ պաշտպանության նախարարության ենթակայության տակ գտնվող և այդ համակարգից հավանաբար հագուստի և այլնի պատվեր ընդունող «Զինառ» ՓԲԸ-ն նաև արջաբուծությամբ է զբաղվում:
Թե ինչ նպատակով է այդ ծանր գործը ստանձնել Սեյրան Երանոսյանի ղեկավարած «Զինառ»-ը, դժվար է ասել, բայց պարզվում է` «Սարգա-Սար» ընկերությունը արջերի բներ է սարքել, որ այդ գիշատիչ կենդանիները վնաս չպատճառեն շրջապատի բնակչությանը: Արդյունքում` արջերը շահել են, «Սարգա-Սար»-ը` մնացել անփող ու «Զինառ»-ի հետ միասին հայտնվել դատարանում:
