Նոյեմբերի 16-ին կայացավ Կանադայում ՀՀ դեսպան, Քաղաքացիական ավիացիայի միջազգային կազմակերպությունում ՀՀ մշտական ներկայացուցիչ Արմեն Եգանյանի հանդիպումը Քաղաքացիական ավիացիայի միջազգային կազմակերպության (ICAO) գլխավոր քարտուղար Ռեյմոնդ Բենջամինի հետ:
Հանդիպման ընթացքում կողմերը քննարկեցին ՀՀ և ՔԱՄԿ-ի փոխհարաբերությունները, առկա խնդիրներն ու անելիքները: Գոհունակությամբ նշվեց համագործակցության բարձր մակարդակը: ՀՀ մշտական ներկայացուցիչն ու գլխավոր քարտուղարը մանրամասնորեն անդրադարձան Հարավային Կովկասի տարածաշրջանում քաղաքացիական ավիացիայի անվտանգությանն առնչվող մի շարք հարցերին, հաղորդում է ՀՀ ԱԳՆ մամլո ծառայությունը:
