ՀՀ կրության և գիտության նախարարության գլխավոր խնդիրը շարունակում է մնալ կոռուպցիայի վերացումը ուսհաստատություններում: Այս մասին այսօր իր տարեվերջյան ամփոփիչ ասուլիսի ընթացքում ասաց ՀՀ ԿԳ նախարար Արմեն Աշոտյանը:
Նրա խոսքով` այս տարի նախարարության ձեռքբերումներից մեկը կոռուպցիայի կտրուկ նվազեցումն է, հատկապես` ընդունելության և ավարտական քննությունների շրջանում:
Բացի դրանից, նախարարի փոխանցմամբ, նվազել է նաև դպրոցներում դրամահավաքը: Դեռ քննարկման փուլում է դպրոցներում համերգների և թատրոնների տոմսեր վաճառելու հարցը:
Բաց է մնացել նաև կրթության մատչելիության և աշխատաշուկայի հետ կենսական կապը:
