Նախօրեին Հայաստանի արտգործնախարար Վարդան Օսկանյանն ընդունել է Սիրիայի Արաբական Հանրապետության ԱԳ փոխնախարար Ահմադ Արնուսին, հաղորդում է ՀՀ ԱԳՆ մամլո ծառայությունը: Հանդիպման ընթացքում քննարկվեցին երկկողմ հարաբերություններին, մերձարեւելյան ու հարավկովկասյան տարածաշրջանային խնդիրներին, ՄԱԿ-ի բարեփոխումներին առնչվող հարցերի լայն շրջանակ: Զրուցակիցները հատկապես կարեւորել են Հայաստանի եւ Սիրիայի համագործակցությունը միջազգային կազմակերպությունների շրջանակներում: Նշենք, որ Ահմադ Արնուսի գլխավորած Սիրիայի արտաքին գործերի եւ ֆինանսների նախարարությունների համատեղ պատվիրակությունը հունիսի 28-30-ը Հայաստանում է գտնվում հերթական քաղաքական խորհրդակցություններն անցկացնելու, ինչպես նաեւ Հայաստանի եւ Սիրիայի կառավարությունների միջեւ կրկնակի հարկումից խուսափելու վերաբերյալ պայմանագիր ստորագրելու նպատակով:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
