Տոներից հետո «Ազգ» օրաթերթը դադարել է լույս տեսնել, ինչի հետ կապված տարատեսակ լուրեր են շրջանառվում:
Մասնավորապես, այն մասին, որ թերթի հաշիվների վրա կալանք է դրված կուտակված պարտքերի պատճառով: «Ազգի» գլխավոր խմբագիր Հակոբ Ավետիքյանը, իր խոսքով, պետք է հիասթափեցնի թերթի «հուղարկավորությանն» սպասողներին.«Նման բան չկա: Նրանք, ովքեր սպասում են «Ազգի» հուղարկավորությանը, դեռ երկար պետք է սպասեն»,-PanARMENIAN.Net-ի թղթակցի հետ զրույցում ասաց նա:
Հակոբ Ավետիքյանը տեղեկացրեց նաև, որ թերթը պարտքեր ունեցել է, սակայն դրանք արդեն վճարված են և երեքշաբթի օրը այն նորից լույս կտեսնի:
