Ինչպես հայտնել էինք ավելի վաղը Հայաստանում հնդկական Ashok Leyland կազմակերպության հետ համատեղ ավտոբուսների արտադրություն է հիմնվում:
ՀՀ կապի և տրանսպորտի նախարարությունից հայտնում են, որ այս նախաձեռնությանը հիմք է դրվել դեռևս 2 տարի առաջ Գագիկ Բեգլարյանի և Ashok Leyland կազմակերպության գործադիր տնօրեն Պիեռ Գուստավի հանդիպման ընթացքում։
Իսկ արդեն 2012թ. օգոստոս և սեպտեմբեր ամիսներին նրանց հանդիպման ժամանակ քննարկվել են գործարանի հիմնադրման և արտադրության կազմակերպման մանրամասները։
Արտադրության կազմակերպմամբ ավելի քան 100 նոր աշխատատեղ կստեղծվի:
Գործարանի շինարարությունը կմեկնարկի 2013թ. առաջին եռամսյակում։
Մինչ այդ հանրությանը կներկայացվեն արտադրվող ավտոբուսների նմուշները։
Ashok Leyland կազմակերպությունը հիմնվել է 1948թ։ Այն տրանսպորտ արտադրող խոշորագույն կազմակերպություններից է, որի արտադրանքն արտոնագրված է Միացյալ Թագավորության կողմից։
