Որպես տեղամասային ընտրական հանձնաժողովների անդամների ուսուցման ծրագրի մի մաս, Կենտրոնական ընտրական հանձնաժողը կանցկացնի ուսումնական դասըթաց հանձնաժողովների անդամների համար Չարենցի անվան դպրոցում (Ամիրյան փողոց 9, Կենտրոն վարչական շրջան, Երևան): Երկուշաբթի, փետրվարի 11-ին ժամը 11:00-ին կայանալիք ՏԸՀ ուսուցման դասընթացը բաց է լինելու լրատվամիջոցների, դիվանագիտական և միջազգային կազմակերպությունների համար: Միջոցառմանը կմասնակցեն նաև մի շարք բարձրաստիճան պաշտոնյաներ, այդ թվում նաև` ՀՀ Կենտրոնական ընտրական հանձնաժողովի նախագահ Տիգրան Մուկուչյանը, Մեծ Բրիտանիայի արտակարգ և լիազոր դեսպան Ջոնաթան Էյվսը, ԵԱՀԿ երևանյան գրասենյակի ղեկավար, դեսպան Անդրեյ Սորոկինը և ԵՄ պատվիրակության ղեկավար, դեսպան Տրայան Հրիսթեան: Կենտրոնական ընտրական հանձնաժողովը (ԿԸՀ), Ընտրական համակարգերի միջազգային հաստատության (ԱՅ ԷՖ Ի ԷՍ) հետ համագործակցելով, 2013 թվականի կայանալիք նախագահական ընտրություններից առաջ կազմակերպում է համապետական ուսուցման ծրագիր` տեղամասային ընտրական հանձնաժողովների (ՏԸՀ) անդամների համար: Ծրագիրը հասցեագրված է ՏԸՀ մոտ 16.000 անդամներին, ովքեր սպասարկելու են Հայաստանի 1.988 ընտրատեղամասերի ընտրողներին ընտրության օրը:
Մասնագիտական ընտրական վարչարարության ուսուցում, այդ թվում, ընտրողների գրանցման և ձայների հաշվառման կարգը, թանաքի ճիշտ օգտագործումը, ընտրողների ինքնության հաստատումը և քվեաթերթիկի վավերացումը, ինչպես նաև խոշորացնող ոսպնյակների օգտագործումը թույլ տեսողություն ունեցող ընտրողներին աջակցելու համար, սրանք դասընթացների թեմաների ցանկից են, որ լուսաբանվելու են ուսուցման ընթացքում: Սույն համապետական վերապատրաստման ծրագիրը աջակցվում է Եվրոպայում անվտանգության և համագործակցության կազմակերպության (ԵԱՀԿ) կողմից Եվրոպական Միության (ԵՄ) ֆինանսական աջակցությամբ որպես «Աջակցություն Հայաստանում երկու ընտրական փուլերին» 1.7 միլիոն Եվրո արժողությամբ ծրագրի մաս: Ամերիկայի Միացյալ Նահանգների Միջազգային զարգացման գործակալությունը (ԱՄՆ ՄԶԳ) հովանավորել է նախապատրաստական ծրագիրը ԿԸՀ –ի և ԱՅ ԷՖ Ի ԷՍ -ի կողմից ընտրված 44 ուսուցանողների համար, որոնք կանցկացնեն 649 դասընթաց, ընդգրկելով ՀՀ ամբողջ տարածքը: Երևանում Բրիտանական դեսպանատունը աջակցում է ընտրական վարչական հարցերին` թույլ տեսողություն ունեցողների համար խոշորոցույցներ տրամադրելով:
Վերապատրաստման դասընթացները ՏԸՀ անդամների համար սկսվել են հունվարի 28-ին և ավարտվելու են փետրվարի 15-ին: Ընտրական գործըթացներին մասնակցող անդամները ստանում են տեղեկատվական նյութեր, որոնց հղում է կատարվելու դասընթացի ընթացքում ինչպես նաև ընտրության օրը, ներառելով ՏԸՀ ուսումնական ձեռնարկը, մի շարք տեղեկատվական պաստառներ, որոնք ցուցադրված են լինելու ընտրատեղամասերում, նոր Ընտրական օրենսգիրքը և ԿԸՀ որոշումները.
