Փետրվարի 23-ին` ժ. 18:00-ին, առաջնորդանիստ Ս. Սարգիս եկեղեցում տեղի կունենա «Խաղաղական ժամերգություն»:
ԱՀԹ Թեմական Երիտասարդական հոգևոր միությունների, հոգևոր պատասխանատու Տեր Հակոբ քահանա Խաչատրյանի նախաձեռնությամբ, թեմի երիտասարդաց միությունների հոգևոր հովիվների և անդամների մասնակցությամբ Մեծ պահքի 3-րդ` «Անառակ որդու» կիրակիին նախընթաց հավարտ ժամերգության կխոսվի քարոզ «Կորսված և գտնված խաղաղություն» բնաբանով: Այնուհետև «Արարատ» երգչախմբի երգեցողության ներքո «Խաղաղական ժամերգություն» մասնակիցները առիթ կունենան մտորելու, խորհելու քարոզված թեմայի շուրջ:
Արարողության վերջում «Տեր ողորմիա» -ի ծնկաչոք երգեցողությամբ ներկա հոգևորականները և հավատացյալ ներկաները կհայցեն Ամենախնամ Աստծուց Հայ ժողովրդի և աշխարհի խաղաղության համար, հայտնում է Արարատյան Հայրապետական թեմի Մամլո դիվանը:
