Հանրապետության տարածքում այսօր ամպամածություն և թույլ տեղումներ կդիտվեն արևելյան շրջաններում` Լոռի, Տավուշ, Սյունիք, Արցախ: Այլ շրջաններում առայժմ կդիտվի առանց տեղումների, մեծ մասամբ արևային եղանակ: Օդի ջերմաստիճանը կբարձրանա 1-3 աստիճանով:
Առանձին վայրերում հնարավոր է քամի 10-15մ/վրկ արագությամբ, բուք, մառախուղ և ցածր տեսանելիություն, ճանապարհներին հավանական է մերկասառույց, և անկախ տեղումների առկայությունից կամ բացակայությունից, դժվարանցանելիություն:
Հայպետհիդրոմետի հաղորդմամբ, Երևանում այսօր կդիտվի առանց տեղումների եղանակ: Տեղ-տեղ հնարավոր է մերկասառույց:
Գիշերը սպասվում է +1+3, ցերեկը +9+11, երեկոյան +4+6 աստիճան տաքություն:
