ՀՀ ՊՆ ղեկավարը հանդիպել է Ռուսաստանի ԶՈՒ Գլխովոր շատբի պետի հետ

ՀՀ նախագահին առընթեր ազգային անվտանգության խորհրդի քարտուղար, պաշտպանության նախարար Սերժ Սարգսյանն այսօր ընդունեց ՌԴ ԶՈՒ գլխավոր շտաբի պետ, պաշտպանության նախարարի առաջին տեղակալ, բանակի գեներալ Յուրի Բալուեւսկուն: Այդ մասին PanARMAENIAN.Net-ի թղթակցին է հայտնել Հայաստանի պաշտպանության նախարարի մամլո քարտուղար գնդապետ Սեյրան Շահսուվարյանը: Հանդիպման ընթացքում կողմերը քննարկեցին զինված ուժերի համատեղ պատրաստության միջոցառումների ծրագրերին, տարածաշրջանային անվտանգության ապահովմանն ու ռազմատեխնիկական համագործակցության ոլորտում ՀԱՊԿ շրջանակներում ձեռքբերված համաձայնությունների իրագործմանն առնչվող հարցեր: Հանդիպման մասնակիցներն անդրադարձան ռուսական 102-րդ ռազմակայանի զինծառայողների սոցիալական խնդիրներին, ինչպես նաեւ` Ռուսաստանի ռազմաուսումնական հաստատություններում հայ սպաների անվճար ուսուցմանը: