Հաստատվել է Երևանի ավագանու ընտրությունների ՕԵԿ նախընտրական ծրագիրը, կուսակցությունն ընտրություններին գնում է «Մենք կարող ենք ավելին» կարգախոսով: Այս մասին տեղեկացնում են կուսակցությունից:
Ավելացնենք, որ «Օրինաց երկիր» կուսակցության Երևանի վարչության նիստում քննարկվել են մայրաքաղաքի ավագանու ընտրությունների հետ կապված քարոզչական և կազմակերպչական մի շարք հարցեր: Երևանի բոլոր կառուցվածքային ստորաբաժանումների ղեկավարները փաստել են, որ կուսակցության կառույցները կազմակերպչական տեսանկյունից պատրաստ են անցկացնելու ակտիվ քարոզարշավ և համոզված պայքարելու են ՕԵԿ հաղթանակի համար:
Երևանի ավագանու ընտրությունները նշանակված են մայիսի 5-ին, քարոզարշավը մեկնարկում է ապրիլի 7-ին և կավարտվի մայիսի 3-ին:
