Կարծում եմ, որ Հայաստանը պետք է աստիճանաբար անցնի «բաց երկնքի» քաղաքակությանը:
Այսպիսի կարծիք հայտնեց «Օրինաց երկիր» կուսակցության նախագահ, Ազգային անվտանգության խորհրդի քարտուղար Արթուր Բաղդասարյանն այսօր կայացած մամուլի ասուլիսի ժամանակ:
«Մենք կողմ ենք օդային տարածքում մրցակցությանը, պետք է Հայաստան բերենք խոշոր ավիաընկերությունների: Սակայն դրան զուգահեռ, պետք է ունենանք Ազգային փոխադրող, ինչպես ցանկացած երկիր»,- նշեց Բաղդասարյանը:
«Արմավիայի» սննկացման փաստին Ազգային անվտանգության խորհրդի քարտուղարը վատ է վերաբերում և հույս ունի, որ անցյալի սխալները կուղղվեն ու Հայաստանը կունենա զարգացող ավիացիա, մանավանդ, որ երկիրն ունի հիանալի օդաչուներ. «Ստեղծված իրավիճակի շուրջ քննարկումները կկայանան նոր կառավարության ձևավորումից հետո»:
