Բաքու-Թբիլիսի-Կարս երկաթգծի շինարարությունը մտնում է նոր փուլ, որը նախատեսում է թունելի շինարարություն Ախալքալաքի շրջանի Կարծախ գյուղում:
Վրաստանի Էկոնոմիկայի նախարարության ներկայացուցիչները, Ճանապարհային եւ ռազմական ոստիկանության, «Մարաբդա Կարծախ» շինարարական ընկերության եւ Թուրքիայից ժամանած պատվիրակության ներկայացուցիչները տեղում ծանոթացան թունելի շինարարությունը:
Թուրքիայից ժամանած պատվիրակությունը այցելության ընթացքում նաև քննարկել է Կարծախի սահմանի բացման հարցը, ինչ նրանց խոսքերով հեշտացնելու է բանվորների տեղաշարժը թուրքական կողմից:
Կարծախից պատվիրակությունը ուղևորվել է Թբիլիսի, տվյալ հարցի շուրջ բարձրաստիճան հանդիպումների համար, որտեղ քննարկվելու են երկաթգծի շինարարության հետ կապված հարցեր:
Կարծախում թունելի շինարարության աշխատանքները ծրագրվում է սկսել արդեն այս տարվա մայիսի սկզբերից, հայտնում է Ախլցխայի տեղեկատվական կայքը:
