Հայաստանի նախագահ Ռոբերտ Քոչարյանը, պաշտոնական այցով գտնվելով Շվեդիայում, հայտարարել է, որ Հայաստանում ստեղծվել է հատուկ խումբ, որն աշխատում է քաղաքացիության մասին օրենքի նոր խմբագրման ուղղությամբ:Ռոբերտ Քոչարյանն այսօր Շվեդիայի հայ համայնքի ներկայացուցիչների հետ հանդիպմանը հիշեցրել է, որ սահմանադրական բարեփոխումներից հետո Հայաստանում այլեւս գոյություն չունի երկքաղաքացիության արգելք : Հայաստանի ղեկավարը հույս է հայտնել, որ քաղաքացիության մասին բարեփոխված օրենքը պատրաստ կլինի ընթացիկ տարվա աշնանը:«Իմ մոտեցումը չի փոխվել. ես համոզված եմ, որ Սփյուռքի հետ Հայաստանը հանդիսանում է շատ ավելի հզոր ուժ, քան առանց Սփյուռքի», – ասել է Ռոբերտ Քոչարյանը: Նախագահը նշել է, որ Հայոց Եղեռնի միջազգային ճանաչման գործում ջանքերի կենտրոնացումը դարձել է դրա լավագույն ապացույցը, հայտնում է Մեդիամաքսը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
