Այսօր առավոտյան Թեղուտ գյուղի բնակիչները փակել են դեպի հանքավայր տանող ճանապարհը՝ թույլ չտալով հանքի աշխատողներն այնտեղ հասնել։ Բնակիչները բողոքում են դեպի մատուռ տանող ճանապարհին օրեր առաջ տեղադրված դարպասների և հսկվող անցակետի դեմ։ Այս մասին PanARMENIAN.Net-ը տեղեկանում է բնապահպանների ֆեյսբուքյան գրառումներից, ովքեր այս պահին Թեղուտում են։
Նրանց տեղեկությամբ բնակիչների հետ բանակցելու են եկել ոստիկանության աշխատակիցներն ու «Թեղուտ» ՓԲԸ-ի գլխավոր տնօրենի տեղակալ Ռուբեն Պապոյանը: Բանակցությունների ընթացքում բնակիչները առաջ են քաշել հետևյալ պահանջները՝
1.Հանել դեպի մատուռ տանող դարպասները և իրենց ելքն ու մուտքը չխոչնդոտել այդ տարածքում:
2.Դադարեցնել ծառահատումը:
3.Փոշու դեմն առնել, որը ծեղդում է օդը անընդհատ երդևեկող, բազմաթիվ բեռնատար և այլ աշխատանքային մեքենաների պատճառով: Ըստ գյուղացիների երեկոյան դիմացի սարը չի երևում փոշու պատճառով: Մարդկանց հասցնում է առողջական վնաս:
4. Բացել ճանապարհը դեպի գերեզմանատուն:
Ավելի վաղ տեղեկացրել էինք, որ դարպասները և անցակետը տեղադրվել են Թեղուտի հանքավայրը շահագործող «Վալլեքս» ընկերությանը պատկանող «Թեղուտ» ՓԲԸ-ի կողմից: Եվ նոր կարգով` սրբավայրին մոտենալու համար գյուղացիները պետք է անձնագիր ներկայացնեն անցակետում և հսկիչ ծառայության կողմից հավանություն ստանան:
