Արցախի ՊՆ, ՊԲ հրամանատար, գեներալ-լեյտենանտ Մովսես Հակոբյանը ԼՂՀ արտաքին գործերի նախարարության հիմնադրման 20-ամյակի միջոցառումների ծրագրի շրջանակներում հյուրընկալել է արտաքին գործերի նախարար Կարեն Միրզոյանին, արտասահմանյան երկրներում ԼՂՀ մշտական ներկայացուցիչներին և արտաքին քաղաքական գերատեսչության կենտրոնական ապարատի աշխատակիցներին:
Բանակի հրամանատարը շնորհավորել է՝ բարձր գնահատելով վերջիններիս ներդրումը արցախյան հիմնահարցի կարգավորման գործում և միաժամանակ հույս հայտնել, որ այս քսան տարիների ընթացքում ձեռք բերված փորձն ու հմտությունները դիվանագետները կծառայեցնեն ի շահ Լեռնային Ղարաբաղի Հանրապետության:
Հանդիպման ընթացքում քննարկվել են ԼՂ հիմնախնդրի քաղաքական կարգավորման վերջին զարգացումներին առնչվող հարցեր, ինչպես նաև անդրադարձ է կատարվել տարածաշրջանի ռազմաքաղաքական կարևոր զարգացումներին և հայ-ադրբեջանական հակամարտ զորքերի շփման գծում տիրող իրադրությանը:
