Երեկ գիշեր մայրաքաղաքում ոստիկանները տրանսպորտի ուղեվարձի թանկացման դեմ բողոքող ակտիվիստներին հրավիրել են բաժին, սակայն նրանք հրաժարվել են գնալ ոստիկանություն՝ հայտարարելով, որ հրավերը իրավական կատեգորիա չէ: Թռուցիկենր բաժանող ակտիվիստները նկարահանել են տեղի ունեցածն ու տեղադրել համացանցում, իսկ առավոտյան նրանցից մեկին, այնուամենայնիվ, հրավիրել են բաժին:
Արսեն Օհանյանը բացատրություն տալուց հետո հայտնել է, որ ոստիկանությունում իրեն բաժին կանչելը հիմնավորել են նրանով, որ քաղաքացիներից մեկը ահազանգել է, թե ակտիվիստները խանգարում են իր հանգիստը:
Հիշեցնենք, որ այսօրվանից Երևանում միկրոավտոբուսներով երթևեկելու համար պետք է վճարել 150 դրամ, նախկին 100 դրամի փոխարեն:
