Սայաթ-Նովա փողոցում գտնվող «Լևոն Թրավել»-ի բակում սկսվող շինարարությունը մինչև երկուշաբթի ժամանակավորապես դադարեցվել է: Այս մասին PanARMENIAN.Net-ի թղթակցին ասաց բակի բնակիչներից Գոհարը` նշելով, որ ժողովուրդը դեռ կանգնած է:
«ՕՄՕՆ-ը գնաց, բայց ոստիկանները դեռ այստեղ են: Պիտի հա կանգնենք, որ թույլ չտանք շինարարություն սկսվի»,- ասաց նա՝ նշելով, որ խոստացել են մինչև երկուշաբթի «ձեռք չտալ»:
Բնակչուհու խոսքով՝ իրենք քաղաքապետարանից պահանջել են մասնագետների ուղարկել, բայց նրանք այդպես էլ չեն եկել:
«Երեկ էլ ենք զանգել, այսօր էլ, որ քաղաքապետարանից գան, բայց անօգուտ»,- եզրափակեց բնակչուհին:
