Ստրասբուրգում ԵԽ նախարարների կոմիտեի նստաշրջանին ելույթի ժամանակ Հայաստանի արտգործնախարար Վարդան Օսկանյանը, անդրադառնալով Լեռնային Ղարաբաղի հակամարտության կարգավորմանը` նախարարը նշեց, որ անդամակցությունից ի վեր Հայաստանն ու Ադրբեջանը պարտավորվել են հավատարիմ մնալ ԼՂ հակամարտության խաղաղ կարգավորմանը: «Բանակցային գործընթացում վերջին մի քանի տարիների ընթացքում արձանագրվել են դրական տարրեր, բայց այն կարող է արդյունք տալ, եթե միայն կողմերը հասկանան եւ պարզ հայտարարեն, որ խնդրի ռազմական լուծման տարբերակ գոյություն չունի: Եվրոպան նոր համատեքստ է առաջարկում բանակցություններին, տարածաշրջանային համագործակցությանն ու հետպատերազմյան հաշտեցմանը: Դա այն Եվրոպան է` խաղաղության ու համագործակցության վայրը, որին պատկանում են մեր երկու երկրները»,- նշել է Վարդան Օսկանյանը, հայտնում է ՀՀ ԱԳՆ մամլո ծառայությունը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
