Լեռնային Ղարաբաղի Հանրապետության կառավարությունը 40 մլն դրամ է հատկացրել դեկտեմբերի 10-ին ԼՂՀ Սահմանադրության վերաբերյալ հանրաքվեի անցկացման համար: ԼՂՀ Կենտրոնական ընտրական հանձնաժողովի նախագահ Սերգեյ Նասիբյանն ասել է, որ հանրապետությունում կգործեն 280 ընտրական տեղամասեր: Մեկ ընտրական տեղամաս կստեղծվի Երեւանում` ԼՂՀ Մշտական ներկայացչությունում: Այս պահին ընթանում է ընտրական ցուցակների ճշտման գործընթացը: Վերջնական ցուցակները կփակցվեն տեղամասերում հանրաքվեից երկու օր առաջ, հաղորդում է «Մեդիամաքս» գործակալությունը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
