Հայտնի է, որ Հայաստանի հավաքականի խաղացող Մարկոս Պիզելին կարիերան շարունակելու է Սաուդյան Արաբիայի «Ալ Ռաեդ» թիմում:
31-ամյա խաղացողի ծառայություններով հետաքրքրված էին մի շարք եվրոպական թիմեր: Մարկոսն առաջարկներ ուներ Ռումինիայից, Պորտուգալիայից, Հունաստանից, Ռուսաստանից:
«Ալ Ռեադում» ֆուտբոլիստը ստանալու է տարեկան $420.000, մինչդեռ եվրոպական թիմերը գրեթե 2 անգամ քիչ գումար են առաջարկել, գրում է Armsport.am-ը:
Մարկոս Պիզելիի վերջին ակումբը եղել է ղազախական «Ակտոբեն», որտեղ նա հանդես է եկել 2014-2015թթ.:
«Ակտոբեում» տարեկան աշխատավարձը կազմում էր $750 հազար, սակայն Ղազախստանում ներկայում ֆինանսական դժվարություններ են առաջ եկել եւ տեղի ակումբները կրճատում են բյուջեները:
