Մոսկվայի քաղաքապետ Յուրի Լուժկովը ցավակցական հեռագիր է հղել Հայաստանի վարչապետ Անդրանիկ Մարգարյանի մահվան կապակցությամբ, հաղորդում է ՀՀ կառավարության մամլո ծառայությունը: Հեռագրում, մասնավորապես, ասված է.«Կյանքից հեռացավ տաղանդավոր կազմակերպիչն ու հմուտ ղեկավարը, ով իր արժանի ներդրումն է ունեցել Հայաստանում իրավիճակի կայունացման, տնտեսության ամրապնդման եւ երկրի բնակչության կյանքի բարելավման գործում: Ա.Մարգարյանը շատ բան է արել Ռուսաստանի եւ Հայաստանի, Մոսկվայի ու Հայաստանի միջեւ առեւտրատնտեսական եւ հումանիտար ոլորտներում համագործակցության զարգացման ու խորացման գործում: Անդրանիկ Մարգարյանի հիշատակը մշտապես կմնա մեր սրտերում»:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
