Ջերմուկում կառուցվող մոտ երկու կմ երկարությամբ ճեմուղին պատրաստ կլինի 2016-ի օգոստոսի վերջին: Այս մասին տեղեկացվել էՀՀ քաղաքաշինության նախարար Նարեկ Սարգսյանի՝ Ջերմուկ աշխատանքային այցի ժամանակ:
Ծրագրի ավարտին Ջերմուկը կունենա բարեկարգ զբոսավայր՝ կապելով միմյանց քաղաքի առողջարանային և դիտարժան հատվածները, բնության և ճարտարապետական հուշարձանները՝ այդ կերպ հարմարավետ միջավայր ձևավորելով հանգստացողների համար:
Ջերմուկում ճեմուղի կառուցելու որոշումն ընդունվեց 2015-ին՝ հանրապետության նախագահի՝ Ջերմուկ այցելության ժամանակ:
Շրջայցի ավարտին քաղաքաշինության նախարարը Վայոց Ձորի մարզպետի և Ջերմուկի քաղաքապետի մասնակցությամբ խորհրդակցություն է անցկացրել՝ Ջերմուկի քաղաքաշինական խնդիրների վերաբերյալ:
