Այսօր ՀՀ ԱԳ նախարար Վարդան Օսկանյանն ընդունեց տարածաշրջանային այցով Երեւանում գտնվող ԵԱՀԿ Մինսկի խմբի համանախագահ Յուրի Մերզլյակովին (Ռուսաստան), Բերնար Ֆասիեին (Ֆրանսիա) եւ Մեթյու Բրայզային (ԱՄՆ) եւ ԵԱՀԿ գործող նախագահի անձնական ներկայացուցիչ Անջեյ Կասպռշիկին, հաղորդում է ՀՀ ԱԳՆ մամլո ծառայությունը: Հանդիպմանը քննարկվեցին բանակցային սեղանի վրա առկա Լեռնային Ղարաբաղի հակամարտության կարգավորման սկզբունքները` նպատակ ունենալով նախապատրաստել հունիսի 9-ին Սանկտ Պետերբուրգում նախատեսվող Հայաստանի եւ Ադրբեջանի նախագահ Ռոբերտ Քոչարյանի եւ Իլհամ Ալիեւի հանդիպումը:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
