ՀՀ քրհիմնարկներում քրեակատարողական պետի տեղակալն այսուհետ ևս հնարավորություն կունենա տեսակցություն տրամադրել կալանավորված անձի կամ դատապարտյալի հետ հանդիպելու ցանկություն ունեցող պաշտպանին կամ մերձավոր ազգականին:
ՀՀ կառավարության փետրվարի 9-ի նիստում այս մասին հայտարարել է արդարադատության նախարար Արփինե Հովհաննիսյանը:
Գործող կարգավորմամբ կալանավորված անձանց և դատապարտյալներին տեսակցության եկած անձանց թույլտվություն տալու իրավասությունը պատկանում է քրեակատարողական հիմնարկի պետին և միայն նրա բացակայության դեպքում՝ տեղակալին:
«Սակայն գործնականում հաճախ, աշխատանքային ծանրաբեռնվածությունից ելնելով, տեսակցության թույլտվություն տրամադրելու որոշումները քրեակատարողական հիմնարկի պետի կողմից հնարավոր չի լինում ընդունել սեղմ ժամկետներում: Արդյունքում տեսակցության եկած անձինք ստիպված են լինում տեսակցության թույլտվության համար սպասել որոշակի ժամանակ, ինչն առաջացնում է նրանց արդարացի դժգոհությունը»,- պարզաբանել է նախարարը:
Նա հավելել է, որ այս փոփոխության նպատակը կալանավորված անձին կամ դատապարտյալին տեսակցության եկած անձանց հերթերի առաջացումը կանխելն ու տեսակցությունների տրամադրման գործընթացի անհարկի ձգձգումները բացառելն է:
Արդյունքում կնվազի նաև քրեակատարողական հիմնարկի պետի ծանրաբեռնվածությունը:
Կարդացեք նաև՝ Նախարար. Բանտից վաղաժամ ազատման իստիտուտը թերություններ ունի
