Բժշկական կազմակերպությունների համար շտապ բուժօգնության մեքենաներ ձեռքբերելու նպատակով ՀՀ առողջապահության նախարարությանը գումար կհատկացվի կառավարության պահուստային ֆոնդից:
Որոշմամբ նախատեսվում է ձեռքբերել արդի սարքավորումներով հագեցած շտապ բժշկական օգնության 10 մեքենա:
Նպատակը հանրապետության շտապ բժշկական օգնության մեքենաների բազան նոր մեքենաներով համալրելն է:
ՀՀ կառավարության մարտի 2-ի նիստում ընդունված որոշման հիմնավորման համաձայն՝ երկար տարիներ բժշկական կազմակերպությունները չեն համալրվել նոր շտապ բժշկական օգնության մեքենաներով:
2016-ի դեկտեմբերին հայտնի է դարձել, որ Չինաստանը Հայաստանին շտապ օգնության ևս 200 մեքենա կնվիրի: 2011թ. Չինաստանը Հայաստանին շտապ օգնության 88 մեքենա է տրամադրել:
