Մայիսի 14-ին Չեխիայում այդ երկրի ՆԳՆ Կազմակերպված հանցագործությունների դեմ հակագործողությունների վարչության աշխատակիցները ձերբակալել են մի քանի քրեական հեղինակությունների:
Ըստ Prime crime կայքի և«Ռոսիա 24» հեռուստաալիքի, Սոչիի գործարար Ռուբեն Թաթուլյանը նույնպես հայտնվել է ձերբակալվածների թվում։
Նշվում էր, որ Թաթուլյանի մոտ ձերբակալման պահին ՀՀ դիվանագիտական անձնագիր կար:
ՀՀ ԱԳՆ մամուլի քարտուղար Տիգրան Բալայանը PanARMENIAN.Net-ին հայտնեց, որ Հայաստանում տնտեսական զարգացման և ներդրումներ ներգրավելու ուղղությամբ գործունեություն իրականացնող Ռուբեն Թաթուլյանին ՀՀ դիվանագիտական անձնագիր տրամադրվել է օրենքով սահմանված կարգով։
Թաթուլյանի ձերբակալության մասին լուրը պաշտոնապես չի հաստատվել:
