PanARMENIAN.Net գործակալությունը ճանաչվել է լավագույնը «Եվրոպական թեմաներն առավել ընդգրկուն լուսաբանած լրատվամիջոց» անվանակարգում` «Եվրոպական թեմաների մոնիտորինգ հայաստանյան ԶԼՄ-ներում» ծրագրի շրջանակներում: Մրցույթի շրջանակներում 2008թ. ապրիլ-օգոստոս ամիսներին անց է կացվել հինգ լրատվական գործակալությունների եւ հինգ թերթերի մոնիտորինգ:
PanARMENIAN.Net գործակալությունը նաեւ հատուկ մրցանակներ է ստացել «Եվրոպական թեմաներով լավագույն վերլուծական հոդված» եւ «Եվրոպական թեմաներով լավագույն հարցազրույց» անվանակարգերում:
«Եվրոպական թեմաների մոնիտորինգ հայաստանյան ԶԼՄ-ներում» ծրագիրն իրագործել են «Եվրոպական ինտեգրացիա» հասարակական կազմակերպությունը եւ «Միջազգային ահազանգ» միջազգային ոչ կառավարական կազմակերպությունը:
