Շաբաթվա վերջին Երեւան կժամանեն Լեռնային Ղարաբաղի հակամարտության կարգավորման գծով ԵԱՀԿ Մինսկի խմբի համանախագահները: Մեթյու Բրայզայի (ԱՄՆ), Բեռնար Ֆասյեի (Ֆրանսիա) եւ Յուրի Մերզլյակովի (ՌԴ) այցը մոտավորապես նշանակված է նոյեմբերի 15-ին:
ԵԱՀԿ ՄԽ համանախագահները հանդիպումներ կանցկացնեն երկրի ղեկավարության հետ, որոնց ընթացքում կքննարկվեն Լեռնային Ղարաբաղի հակամարտության կարգավորման նոր հնարավորությունները: Այսօր միջնորդները ժամանել են Բաքու:
