Վրաստանի խորհրդարանի խոսնակ Դավիդ Բակրաձեն փետրվարի 24-ին երկօրյա այցով ժամանում է Հայաստան: Այցի ընթացքում Դավիդ Բակրաձեն կհանդիպի հանրապետության նախագահ Սերժ Սարգսյանի, վարչապետ Տիգրան Սարգսյանի եւ Ամենայն հայոց կաթողիկոս Գարեգին Երկրորդի հետ:
Փետրվարի 24-ին Վրաստանի խորհրդարանի խոսնակի գլխավորությամբ վրացական պատվիրակությունը կմասնակցի Հայաստանի ԱԺ նիստին: Պատվիրակության անդամները պսակ կդնեն Հայոց ցեղասպանության զոհերի հիշատակի հուշարձանին, հաղորդում է ՀՀ ԱԺ մամլո ծառայությունը:
Նշենք, որ անցյալ շաբաթ Հայաստանում պաշտոնական այցով գտնվում էր Գրիգոլ Վաշաձեն:
