Իրանը ծրագրում է սույն թվականի ամռանը գործարկել Բուշերի ատոմային էլեկտրակայանը: Այդ մասին հայտարարել է Իրանի արտգործնախարար Մանուչեր Մոթաքին :
«Իրանի կառավարությունը Բուշերի ատոմային էլեկտրակայանի իրագործման հարցը որպես պարտականություն է դիտարկում: Չնայած Իրանի վրա գործադրվող ճնշմանը, մենք կաշխատենք այդ նախագիծն իրականացնել 2009 թվականի ամռանը», – նշել է Իրանի Արտգործնախարարության ղեկավարը:
Իրանի Ատոմային էներգիայի գծով կազմակերպությունը վերջերս հայտարարել էր, որ Թեհրանը ծրագրում է առաջիկա հինգ տարվա ընթացքում գրեթե 10-անգամ ընդլայնել ուրանի հարստացման հնարավորությունները, հաղորդում է Reuters- ը:
