Այսօր ժամը 10.00-ին Մալաթիա համայնքի ոստիկանության բաժին է ահազանգել Երեւանի Ավագանու խորհրդի թեկնածու Վահագն Խաչատրյանը, որը հայտնել է այն մասին, որ 7/18 ընտրատարածքում հանձնաժողովի անդամները ծեծի են ենթարկել նույն հանձնաժողովի անդամ Մխիթար Նազարյանին:
Հեռախոսային հաղորդագրությամբ ստացված փաստի ստուգման համար ոստիկանությունը հարցաքննել է Մխիթար Նազարյանին, որը հայտնել է, որ ժամը 7.00-ից գտնվել է հիշյալ տեղամասում, իր հետ կապված որ-է միջադեպ չի եղել – իրեն ոչ ոք ծեծի չի ենթարկել:
Նույնաբովանդակ բացատրությամբ 7/18 ընտրատեղամասի հանձնաժողովի նախագահ Սայաթ Գասպարյանը նույնպես հավաստել է, որ ահազանգը իրականությանը չի համապատասխանում:
Այդ մասին հայտնում են ՀՀ Ոստիկանության մամլո հաղորդագրությունում:
