ՀՀ Սփյուռքի հարցերով նախարար ՀրանուշՀակոբյանն այսօր ընդունել է «Հայ ազգամշակութային տարածաշրջանային ինքնավարություն» հասարակական կազմակերպության պատվիրակությանը եւ ՌԴ Կալինիգրադի մարզի հոգաբարձուների խորհրդի ներկայացուցիչներին:
Պատվիրակության ղեկավար Ֆելիքս Գեւորգյանը ծրագրեր է ներկայացրել, որոնք իրագործվում են ՌԴ Կալինինգրադի մարզի հայկական համայնքում:
Ներկա պահին համայնքում գործում են հայկական եկեղեցի եւ 3 կիրակնօրյա դպրոցներ, որտեղ սովորում են 130 երեխաներ: Կալինինգրադի մարզում գործում է հայկական ժողովրդական պարերի համույթ, շուտով ավարտվելու է հայկական մշակույթի կենտրոնի շինարարությունը:
Հրանուշ Հակոբյանն իր հերթին հակիրճ ներկայացրել է ՀՀ Սփյուռքի հարցերով նախարարության գործունեությունը եւ նշել, որ նա լավ տեղեկացված է ՌԴ Կալինինգրադի մարզի հայկական համայնքի գործունեության մասին:
