Մոսկվայից Երևան նոր ավտոբուսային երթուղի է գործարկվել՝ ավտոբուսը ՀՀ կմեկնի յուրաքանչյուր հինգշաբթի։ Այդ մասին հայտնել է Մոսկվայի փոխքաղաքապետ Մաքսիմ Լիկսուտովը:
«Այժմ «Կրասնոգվարդեյսկի» միջազգային ավտոկայանից հնարավոր է հասնել Հայաստանի մայրաքաղաք։ Դեպի Երևան ուղևորափոխադրումները կիրականացվեն շաբաթը մեկ անգամ՝ յուրաքանչյուր հինգշաբթի»,– ասել է նա, գրում է ՏԱՍՍ-ը:
Տոմսերը կարելի է գնել առցանց՝ «Մոսկվայի մետրո» հավելվածի միջոցով՝ «Միջքաղաքային ավտոբուսներ» հատուկ բաժնում։
