Գալիք տարում մցխեթցի թուրքերի «Վաթան» (Հայրենիք) կազմակերպությունը դադարեցնում է իր գործունեությունն Ադրբեջանում: Այդ մասին վրացական Գրուզիա-օնլայն լրատվական գործակալությանը հաղորդել է կազմակերպության ղեկավար Իբրահիմ Բուրհանովը:
Նրա խոսքերով, Վրաստանի կառավարության որոշմամբ, Ադրբեջանի տարածքում ապրող մինչեւ երկու հազար մցխեթցի թուրքեր սկսել են վերադառնալ իրենց բուն հողերը: «Այդ հանգամանքն էլ հանգեցրել է նրան, որ կազմակերպության գործունեությունը կդադարեցվի մեր առաքելության ավարտի պատճառով», – նշել է նա:
Իբրահիմ Բուրհանովը նաեւ հաղորդել է, որ 2010 թվականի մայիսին կհեռանա Ադրբեջանից եւ իր գործունեությունը կշարունակի Վրաստանում:
