Երեւանի բնակիչ Սերգեյ Մարտիրոսյանը, որպես բարի կամքի դրսեւորում, մտադիր է հետիոտ ճանապարհորդություն կատարել դեպի Բաքու: Ինչպես ճանապարհորդը հայտարարել է Երեւանում լրագրողներին, նա մտադիր է Ադրբեջանի բնակիչների առջեւ հանդես գալ նախկինում եղբայր երկու ժողովուրդների հաշտության առաջարկով: «Պատերազմը ծագում է մարդկանց մտքերում եւ այնտեղ էլ պետք է ավարտվի»,- գտնում է Ս. Մարտիրոսյանը: Ինչ վերաբերում է ճանապարհորդության ժամկետներին, ապա դա, նրա խոսքերով, լիովին կախված է Հայաստանի ԱԳՆ-ից, որը պետք է թույլատվություն տա նման միջոցառմանը: Եթե Ադրբեջանը չընդունի ճանապարհորդին, ապա նա Մեղրիի տարածքով կուղեւորվի Միջին Արեւելք:
Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
