Սփյուռքահայերը, միևնույն է, կարհամարեին Աղթամար կղզում մատուցվելիք պատարագը, անգամ եթե թուրքական իշխանությունները խաչ կանգնեցնեին հայկական Սուրբ Խաչ եկեղեցու գմբեթին: Այդ մասին PanARMENIAN.Net-ի թղթակցի հետ զրույցում հայտնել է Երուսաղեմի «Հայ Դատի» ներկայացուցիչ Ժորժետա Ավագյանը: «Մենք շատ լավ գիտակցում ենք, որ այն ամենը, ինչ տեղի կունենա սեպտեմբերի 19-ին, մեծ շոու է, և մենք չենք պատրաստվում մասնակցել դրան»,- ասել է Ավագյանը:
Երուսաղեմում «Հայ Դատի» ներկայացուցիչը հաղորդել է, որ հայ համայնքը մտադիր է հենց պատարագի օրը բողոքի ցույց կազմակերպել Իսրայելում Թուրքիայի դեսպանատան դիմաց:
