Երևանում բացվել է դիալիզի նոր կենտրոն, որը գործում է «Սուրբ Աստղիկ» բժշկական համալիրում` նախկին «Մալաթիա» բժշկական կենտրոնում:
Կենտրոնի բացմանը մասնակցել են առողջապահության նախարար Հարություն Քուշկյանը, B braun-ի Արևելյան Եվրոպայի, ԱՊՀ երկրների, Ասիայի զարգացման պատասխաանտու Ֆրենկ Սիննինգը, նաև այլ հյուրեր արտերկրից:
1965թ. գործող «Մալաթիա» բժշկական կենտրոնը, որ ոչ մի անգամ չի վերանորոգվել այս ընթացքում, այսօր արդեն ներկայացել է բոլորովին այլ տեսքով:
2010 այս հիվանդանոցը հիմնովին վերանորոգվել է, դարձել միջազգային չափանիշներին համապատասխան կառույց` «Սուրբ Աստղիկ» անվամբ:
Բժշկական համալիրում միաժամանակ դռներն է բացել քրոնիկ և սուր երիկամային անբավարավածությամբ հիվանդների համար նոր դիալիզի կենտրոնը:
ՀՀ ԱՆ հեմոդիալիզի գծով գլխավոր մասնագետ Գագիկ Պապիկյանի հավաստմամբ Հայաստանում դիալիզի կարիք ունեցող հիվանդները 450-ն են, տարեցտարի աճում է նրանց թիվը: Ուստի, նման կենտրոնի ստեղծումը շատ արդիական էր:
Նշենք, որ հանրապետությունում քրոնիկ և սուր երիկամային անբավարավածությամբ հիվանդների բուժման համար տարբեր հիվանդանոցներ կան, հայտնում է առողջապահության նախարարության մամլո ծառայությունը:
