ՀՀ սփյուռքի նախարար Հրանուշ Հակոբյանն ընդունեց Հարավային Ռուսաստանի առաջնորդական փոխանորդ, Պյատիգորսկի Սուրբ Սարգիս հայկական եկեղեցու հոգևոր հովիվ Տեր Արամ ավագ քահանա Հունանյանին:
Նախարար Հ.Հակոբյանը ներկայացրեց ՀՀ սփյուռքի նախարարության գործունեությունն ու 2011 թվականի ծրագրերը: Քննարկվեցին Պյատիգորսկի հայ համայնքի կրթական, մշակութային և այլ ոլորտներին առնչվող հարցեր:
Տեր Արամ ավագ քահանա Հունանյանը ներկայացրեց համայնքի ներկա վիճակը` նշելով, որ 2010թ նոյեմբերի 30-ից դեկտեմբերի 3-ը ՀՀ սփյուռքի նախարարության պատվիրակության Պյատիգորսկ կատարած այցից հետո առավել ակտիվացել են համայնքի կապերը Հայաստանի հետ, նոր թափ է ստացել Հայրենիքի հետ գործակցությունը: Նա նաև նշեց, որ Պյատիգորսկի հայ համայնքը գործում է միասնական և համախմբված և ակտիվ մասնակցում է ՀՀ սփյուռքի նախարարության ծրագրերին, հայտնում է նախարարության մամլո ծառայությունը:
Հանդիպման ընթացքում ձեռք բերվեց պայմանավորվածություն տեղեկատվության ակտիվ փոխանակման և համատեղ ծրագրեր իրականացնելու վերաբերյալ:
