Չինաստանում կայանալիք ծանրամարտի աշխարհի առաջնությունում Հայաստանը կներկայացնեն տղամարդկանց և կանանց հավաքականները։
Մրցումները կանցկացվեն հոկտեմբերի 27-ից նոյեմբերի 8-ը՝ Չինաստանի Նինբո քաղաքում։
Ծանրամարտի աշխարհի առաջնությանը Հայաստանից կմասնակցեն ընդհանուր առմամբ 13 մարզիկ, որոնցից ութը կներկայացնեն տղամարդկանց, իսկ հինգը՝ կանանց հավաքականը։
Տղամարդկանց հավաքականում ընդգրկվել են հետևյալ ծանրորդները՝ ըստ քաշային կարգերի.
- 65 կգ՝ Գառնիկ Չոլաքյան
- 75 կգ՝ Գոռ Սահակյան, Տիգրան Կարապետյան
- 85 կգ՝ Ռաֆիկ Հարությունյան, Մարտին Պողոսյան
- 95 կգ՝ Դավիթ Հովհաննիսյան
- 110 կգ՝ Գարիկ Կարապետյան
- +110 կգ՝ Վարազդատ Լալայան
Տղամարդկանց ազգային հավաքականը մրցաշարին կմասնակցի գլխավոր մարզիչ Հակոբ Փիլոսյանի ղեկավարությամբ։ Մարզչական շտաբում ընդգրկված է նաև երկրորդ մարզիչ Դավիթ Մուրադյանը։
Կանանց հավաքականի կազմում աշխարհի առաջնությունում հանդես կգան․
- 57 կգ՝ Ալեքսանդրա Գրիգորյան
- 77 կգ՝ Աննա Ամրոյան, Ալինա Սուքիասյան
- 86 կգ՝ Էմմա Պողոսյան, Լիանա Գյուրջյան
Կանանց ընտրանու գլխավոր մարզիչն Արտաշես Ներսիսյանն է, իսկ երկրորդ մարզչի պարտականությունները կատարում է Տարոն Թովմասյանը։
