ԱՄՆ-ում ՀՀ դեսպան Նարեկ Մկրտչյանը մասնակցել է Վիրջինիայի և Կոլումբիայի դաշնային շրջանի արտահանման խորհրդի նախաձեռնությամբ կազմակերպված կլոր սեղան-քննարկմանը, որի ընթացքում հանդես է եկել ելույթով։
Դիվանագետն իր ելույթում անդրադարձել է հայ-ամերիկյան երկկողմ հարաբերությունների ընթացիկ օրակարգին, տարբեր բնագավառներում փոխգործակցության ընդլայնման հնարավորություններին, ինչպես նաև Հայաստանի տնտեսական և ներդրումային ներուժին։
Միջոցառման ընթացքում Հայաստանի դեսպանը նաև կարճատև զրույց է ունեցել ԱՄՆ Փոքր բիզնեսի կառավարման գործակալության Արտադրության և առևտրի գրասենյակի փոխտնօրեն Դեյվիդ Բուլսի հետ։
Վիրջինիայի և Կոլումբիայի դաշնային շրջանի արտահանման խորհուրդը համախմբում է պետական կառույցների և մասնավոր հատվածի ներկայացուցիչների։ Խորհրդի գործունեությունն ուղղված է Միացյալ Նահանգների արտահանման խթանմանը, ինչպես նաև գործարար համայնքի զարգացմանն աջակցելուն։
