Նոր կենսաչափական համակարգի ներդրման առթիվ Հանրապետության հրապարակը մի քանի օր շարունակ կլուսավորվի նոր կենսաչափական անձնագիրը պատկերող եռաչափ անիմացիաներով՝ միավորելով ճարտարապետական ժառանգությունն ու թվային ապագան։ Այդ մասին տեսանյութ է հրապարակել ՆԳՆ-ն։
Հոկտեմբերի 31-ին ՀՀ կառավարությունում տեղի է ունեցել նոր կենսաչափական անձնագրի շնորհանդեսը։ ՆԳ նախարարը կենսաչափական առաջին անձնագիրը հանձնել է ՀՀ վարչապետ Նիկոլ Փաշինյանին: Կենսաչափական նոր անձնագրեր են հանձնվել նաև Ազգային ժողովի նախագահ Ռուբեն Ռուբինյանին և անվանի դիրիժոր, կոմպոզիտոր Լորիս Ճգնավորյանին։
Փաշինյանն իր ելույթում նշել է, որ կենսաչափական համակարգի ներդրումը պետք է նոր թափ հաղորդի Հայաստանում թվայնացմանը՝ ընդլայնելով քաղաքացիներին հասանելի ծառայությունների շրջանակը։
