Հայաստանի ֆուտբոլի ֆեդերացիայի Գործադիր կոմիտեն հաստատել է 5 կանոնակարգ, որոնք կարգավորում են հայկական ֆուտբոլի կազմակերպչական, ենթակառուցվածքային և արտոնագրման գործընթացները։
Հաստատված կանոնակարգերն ընդգրկում են խաղերի պատվիրակների աշխատանքը, մարզադաշտերի ենթակառուցվածքային չափանիշները, կանանց ակումբային մրցաշարերին մասնակցելու արտոնագրման ընթացակարգերը, սիրողական ֆուտբոլի մրցումների կազմակերպումը և ֆուտբոլային ակումբների արտոնագրումը, հայտնում է Factor.am-ը:
Հաստատված փաստաթղթերն են՝
- ՀՖՖ խաղերի պատվիրակների կանոնակարգը՝ 2026 թվականի խմբագրությամբ։
- ՀՖՖ մարզադաշտերի ենթակառուցվածքային կանոնակարգը՝ 2026 թվականի խմբագրությամբ։
- ՈւԵՖԱ-ի կանանց ակումբային մրցաշարերի համար ՀՖՖ ակումբների արտոնագրման կանոնակարգը՝ 2026 թվականի խմբագրությամբ։
- ՀՖՖ սիրողական ֆուտբոլի մրցումների անցկացման կանոնակարգը՝ նախատեսված 2026-2027 թվականների մրցաշրջանի համար։
- ՀՖՖ ակումբների արտոնագրման կանոնակարգը՝ 2026 թվականի խմբագրությամբ։
