Երևանի «Զվարթնոց» միջազգային օդանավակայանում նոյեմբերի 13-ին չեղարկվել է 2 ժամանող չվերթ, 3-ն ուշանում է
Մասնավորապես, չեղարկվել է ռուսական Միներալնիե Վոդի քաղաքից դեպի Երևան իրականացվող «Ազիմուտ» ավիաընկերության A4 6029 չվերթը, որի ժամանումը նախատեսված է եղել ժամը 11։20-ին, հայտնում է Factor.am-ը:
Չի իրականացվել նաև Վրաստանի Բաթում քաղաքից ժամանող Fly One ավիաընկերության 3F 3588 չվերթը։ Ըստ նախնական չվացուցակի՝ ինքնաթիռը պետք է «Զվարթնոցում» վայրէջք կատարեր ժամը 15։30-ին։
Միաժամանակ, ուշացումներ են գրանցվել Մոսկվայից և Սամարայից Երևան ուղևորվող երեք չվերթերի դեպքում։
«Աերոֆլոտ» ավիաընկերության SU 1864 չվերթը, որն իրականացվում է Մոսկվայի «Շերեմետևո» միջազգային օդանավակայանից, նախատեսված ժամը 12։50-ի փոխարեն Երևանում սպասվում էր ժամը 13։22-ին։ Այսպիսով, տվյալ չվերթի ժամանումը հետաձգվել է 32 րոպեով։
Մոսկվայի «Վնուկովո» օդանավակայանից իրականացվող Fly One ավիաընկերության 3F 3322 չվերթի ժամանումը նույնպես ուշանում է։ Նախատեսված ժամը 14։00-ի փոխարեն ինքնաթիռի վայրէջքը սպասվում է ժամը 14։31-ին, այսինքն՝ 31 րոպե ուշացումով։
Ամենաերկարատև ուշացումը վերաբերում է Ռուսաստանի Սամարա քաղաքից դեպի Երևան իրականացվող FV 6949 չվերթին։
Չվացուցակի համաձայն՝ Սամարայից ժամանող օդանավը պետք է վայրէջք կատարեր ժամը 17։30-ին, սակայն դրա ժամանումը հետաձգվել է մինչև ժամը 21։20-ը։ Արդյունքում նախատեսված ժամանակացույցի համեմատ ուշացումը կազմում է 3 ժամ 50 րոպե։
Չվերթների չեղարկումների և ժամանման ժամերի փոփոխությունների պատճառների վերաբերյալ տեղեկություններ չեն հրապարակվել։
