Հայաստանի ծանրամարտի տղամարդկանց հավաքականի 3 մարզիկ հանդես կգա Կատարի մայրաքաղաք Դոհայում նախատեսված օլիմպիական վարկանիշային մրցաշարում։
Հայաստանի ներկայացուցիչների մրցելույթների ժամանակացույցը հետևյալն է՝
- Գոռ Սահակյան (75 կգ)՝ դեկտեմբերի 10-ին, ժամը 18:00-ին,
- Արա Աղանյան (95 կգ)՝ դեկտեմբերի 14-ին, ժամը 18:00-ին,
- Գարիկ Կարապետյան (110 կգ)՝ դեկտեմբերի 15-ին, ժամը 15:30-ին։
Դոհայում կայանալիք մրցաշարի արդյունքներով լավագույն ութ ծանրորդները կընդգրկվեն Օլիմպիական խաղերի վարկանիշային ցուցակում։
Չինաստանի Նինբո քաղաքում անցկացված աշխարհի առաջնությունից ի վեր ծանրամարտի մի շարք մրցաշարեր վարկանիշային նշանակություն ունեն Լոս Անջելեսի ամառային Օլիմպիական խաղերի համար։





