2011 թ. մարտի 10-ին՝ ժամը 14:00-ին, ՀՀ Կոտայքի մարզի ընդհանուր իրավասության դատարանի Հրազդանի նստավայրում նշանակված է Չարենցավանի թիվ 5 դպրոցում վիճաբանության արդյունքում մահացած տասնամյա Դերենիկ Գասպարյանի քրեական գործի վարույթը կարճելու մասին գործի դատաքննությունը:
Հիշեցնենք, որ Դերենիկ Գասպարյանի մահվան դեպքը տեղի է ունեցել դպրոցում` քննության ժամանակ, երբ տասնամյա տղային համադասարանցիների կողմից ծեծի ենթարկելու պահին դպրոցի ադմինիստրացիան միջոցներ չի ձեռնարկել ծեծկռտուքը կանխելու ուղղությամբ, ինչը տասնամյա տղայի մահվան պատճառ է դարձել:
