Մարտի 22-ին լրանում է Րաֆֆի Հովհաննիսյանի «Ազատության ծոմի» առաջին յոթնօրյակը: Այդ կապակցությամբ վաղը ժամը 12:00-ին Ազատության հրապարակում կսկսվի «Ժառանգության» առաջնորդի զորակցմանը նվիրված լուռ հավաք, ասվում է կուսակցության հայտարարության մեջ:
Ապա 17:00-ին` ԱԺ հայտարարությունների ժամին, Ազատության հրապարակը համարելով իշխանությունն ու ձայնի իրավունքը ժողովրդին վերադարձնելու կարեւոր ասպարեզ եւ ժողովրդական հրապարակ տեղափոխելով իրենց անմիջական գործառույթներից մեկը, «Ժառանգություն» խմբակցության պատգամավորները խորհրդարանական հայտարարությունները կհնչեցնեն ուղղակի հրապարակից:
Օրվա ավարտին Րաֆֆի Հովհաննիսյանը ներկաներին կդիմի շնորհակալական խոսքով, ասվում է կուսակցության հայտարարության մեջ:
